Chrome Holding Co.-ն համաձայնել է Կալիֆոռնիային վճարել 6 միլիոն դոլար՝ 23andMe-ի արտահոսքի գործով

Նախկինում 23andMe կոչվող Chrome Holding Co. հոլդինգային ընկերությունը համաձայնել է Կալիֆոռնիային վճարել 6 միլիոն դոլար՝ կարգավորելու մեղադրանքները, ըստ որոնց՝ պատշաճ կերպով չի ապահովել հաճախորդների անձնական և գենետիկական տվյալների անվտանգությունը։ Այս մասին հոկտեմբերի 22-ին հայտնել է The Hacker News-ը։

Մեղադրանքները վերաբերում են 2023-ի տվյալների արտահոսքին, որի հետևանքով բացահայտվել են գրեթե յոթ միլիոն մարդու զգայուն տեղեկությունները։ Կալիֆոռնիան ընկերությանը մեղադրել է անվտանգության ապահովման թերացումների մեջ, որոնք հանգեցրել են արտահոսքին։

Կալիֆոռնիայի գլխավոր դատախազությունը նաև պարզաբանել է, թե սպառողներն ինչ կարող են պահանջել 23andMe Research Institute-ում պահվող գենետիկական տվյալների կամ նմուշների վերաբերյալ։ Այդ կազմակերպությունը հոլդինգային ընկերությունից առանձին կառույց է։ Դատախազության տեղեկացմամբ՝ սպառողները կարող են պահանջել ջնջել իրենց տվյալները, ոչնչացնել թեստավորման նմուշը կամ հետ վերցնել հետազոտություններում իրենց գենետիկական տվյալներն օգտագործելու թույլտվությունը։