Աֆրիկայի ֆուտբոլի կոնֆեդերացիան վերականգնել է Ազգերի գավաթի երկամյա պարբերականությունը

Աֆրիկայի ֆուտբոլի կոնֆեդերացիան (CAF) որոշել է վերականգնել Աֆրիկայի ազգերի գավաթի երկամյա պարբերականությունը։ Գործադիր կոմիտեի որոշմամբ չեղարկվել է դեկտեմբերին հայտարարված՝ հավաքականների մրցաշարը չորս տարին մեկ անցկացնելու ծրագիրը, ասված է CAF-ի հայտարարության մեջ, որը մեջբերել է BBC Sport-ը։

Աֆրիկայի ազգերի գավաթի վերջին մրցաշարերի մեծ մասն անցկացվել է եվրոպական ակումբային մրցաշրջանի կեսին՝ երկար տարիներ օրացուցային դժվարություններ ստեղծելով այն ակումբների համար, որոնց ֆուտբոլիստները մասնակցում են մրցաշարին։

Ինչու է CAF-ը հրաժարվել ծրագրից

CAF-ն առաջարկել էր Աֆրիկայի ազգերի լիգայի համաաֆրիկյան մրցաշարը՝ որպես երկու տարին մեկ անցկացվող Ազգերի գավաթի փոխարինող։ Սակայն CAF-ի նախագահ Պատրիս Մոտսեպեն ասել է, որ մրցաշարին մի քանի տարի կպահանջվի բավարար եկամուտ ստանալու համար, որպեսզի ինքնաբավ դառնա և ֆինանսական ու ֆուտբոլի զարգացման գործում այնպիսի ներդրում ունենա, որն անհրաժեշտ է աֆրիկյան ֆուտբոլի և CAF-ի մրցաշարերի՝ համաշխարհային մակարդակում մրցունակ լինելու համար։ Այդ ուշացումը ծրագրից հրաժարվելու պատճառներից մեկն էր, ասված է CAF-ի հայտարարության մեջ, որը մեջբերվել է Guardian-ում հրապարակված AFP-ի նյութում։

Մոտսեպեն ասել է, որ երկամյա պարբերականության վերականգնումը նպատակ ունի պաշտպանելու և առաջ մղելու աֆրիկյան ֆուտբոլի, CAF-ի 54 անդամ ասոցիացիաների և Աֆրիկայից դուրս ակումբներում հանդես եկող աֆրիկացի ֆուտբոլիստների շահերը։

Հաստատված մրցաշարերը և աշխարհի առաջնությամբ պայմանավորված ընդմիջումը