Էմի Քլոբուչարը հաղթել է Լիզա Դեմութին և ընտրվել Մինեսոտայի նահանգապետ

Մինեսոտայի սենատոր Էմի Քլոբուչարը հաղթել է նահանգապետի ընտրություններում՝ պարտության մատնելով հանրապետական Լիզա Դեմութին՝ նահանգի ներկայացուցիչների պալատի խոսնակին։ Քլոբուչարը ստացել է ձայների ավելի քան 55%-ը և դարձել Մինեսոտայի առաջին ընտրված կին նահանգապետը։

Քլոբուչարը հունվարին է միացել ընտրապայքարին՝ գործող դեմոկրատ նահանգապետ Թիմ Ուոլզի դուրս գալուց հետո։ Նա Դեմոկրատական-ֆերմերա-աշխատավորական կուսակցության անդամ է․ այն Դեմոկրատական կուսակցության մինեսոտյան մասնաճյուղն է։

Սենթ Փոլում հաղթանակի առթիվ ունեցած ելույթի ժամանակ Քլոբուչարն աջակիցներին ասել է, որ Դեմութը զանգահարել է իրեն՝ շնորհավորելու համար, գրել է The Guardian-ը։ Քլոբուչարը նահանգապետի պաշտոնում կփոխարինի Ուոլզին։