Canva-ն ավելացրել է գեներատիվ գերբանականության (ԳԲ) գործիքները թաքցնելու կարգավորումներ


Free և Pro օգտատերերը կարող են նաև որոնման արդյունքներում և առաջարկներում նվազեցնել գերբանականությամբ (ԳԲ) ստեղծված ձևանմուշների ու դիզայնի տարրերի քանակը։ Canva-ի խոսքով՝ երկու կարգավորումներն էլ հասանելի են առանց հավելավճարի և կարող են փոխվել ցանկացած ժամանակ։
Canva-ն կարգավորումների մասին հայտարարել է 2026 թ․ նոյեմբերի 19-ին՝ 2023-ին իր ԳԲ գործառույթներն ընդլայնելուց հետո։ Որոշ օգտատերեր դժգոհություն էին հայտնել գործիքների աճող քանակի առնչությամբ և խնդրել էին դրանք անջատելու հնարավորություն, գրել է The Verge-ը։
Այնուհետև Canva-ն 2026-ի ապրիլին ներկայացրել է տեքստային հրահանգներով խմբագրման հնարավորություն, իսկ հոկտեմբերին թողարկել է իր առաջին սեփական գերբանականության մոդելը՝ Canva Craft-ը։
Canva-ի խոսքով՝ երկու կարգավորումներն էլ հասանելի են Free և Pro օգտատերերին առանց հավելավճարի և կարող են փոխվել ցանկացած ժամանակ։
Անհատական կարգավորումները լրացնում են Business, Enterprise, Teams և Education հաշիվների ադմինիստրատորներին արդեն հասանելի թույլտվությունները, որոնցով նրանք կարող էին կարգավորել, թե իրենց թիմերն ինչպես են օգտվում ԳԲ-ից։
Canva-ում աջակցվող գեներատիվ գործիքները թաքցնելու համար օգտատերերը կարող են անցնել «Պրոֆիլ» > «Կարգավորումներ» > «Թույլտվություններ» բաժին և անջատել «Միացնել գեներատիվ ԳԲ գործառույթները» տարբերակը։ Այդ գործիքների թվում են Magic Expand-ը, զրուցաբոտում պատկերների ստեղծումը, Magic Write-ը, Magic Design-ը, Magic Layers-ը, Magic Edit-ը, Dream Lab-ը, Canva Code-ը և AI Shapes-ը։
Background Remover-ը և Magic Grab-ը շարունակում են հասանելի մնալ։ Canva-ի խոսքով՝ դրանք աշխատում են դիզայնում արդեն եղած բովանդակության հետ՝ նորը ստեղծելու փոխարեն․ առաջինը հեռացնում է լուսանկարի ֆոնը, իսկ երկրորդը թույլ է տալիս ընտրել և տեղափոխել պատկերի օբյեկտը։

Բովանդակության առանձին կարգավորումը գտնվում է «Պրոֆիլ» > «Ձեր հաշիվը» > «ԳԲ անհատականացում» բաժնում։ Ավելի քիչ ստեղծված բովանդակություն տեսնելու տարբերակն ընտրելիս գրադարանում որոնման ժամանակ առաջինը ցուցադրվում են մարդկանց ստեղծած նյութերը, իսկ արդյունքներում և առաջարկներում նվազում է ստեղծված ձևանմուշների ու տարրերի քանակը։ Սա չի արգելափակում ստեղծված բոլոր նյութերը և չի փոխում արդեն պատրաստված դիզայնները։
Canva-ի խոսքով՝ իր գրադարանի ստեղծված տարրերից մեկն օգտագործող դիզայնի մետատվյալներում՝ դիզայնի մասին պահպանված տեղեկություններում, ավելացվում է ԳԲ պիտակ։ Background Remover-ը և Magic Grab-ն այդպիսի պիտակ չեն ավելացնում։
Երկարաժամկետ համաձայնագիրը Microsoft-ի համար ապահովում է նաև Xeon պրոցեսորների, այդ թվում՝ Diamond Rapids-ի մատակարարման հզորություններ։ Intel-ի գլխավոր տնօրեն Լիպ-Բու Տանի խոսքով՝ ընկերության 18A տեխնոլոգիայի ելքի ցուցանիշը հասել է 70%-ի։
2 րոպե

Առկա առաջադրանքներն ու ցանկերը չեն տեղափոխվի Planner, իսկ Microsoft-ի անձնական հաշիվների օգտատերերը չեն կարող այն օգտագործել որպես փոխարինող։ Ընկերությունը նրանց խորհուրդ է տալիս ընտրել այլ հավելված և պատրաստվել արտահանել տվյալները։
3 րոպե

Միջազգային էներգետիկ գործակալությունը կանխատեսում է նաև, որ մինչև 2030 թվականը տվյալների կենտրոնների էլեկտրաէներգիայի սպառումը կկրկնապատկվի՝ հասնելով 1 000 տերավատտ-ժամի։ Աճի մեծ մասը կբաժին ընկնի գերբանականության (ԳԲ) սերվերներին։
3 րոպե