Modiphius-ը դրամահավաք է սկսել «Տափակ աշխարհի» նոր խաղի համար

Modiphius Entertainment-ը Gamefound հարթակում դրամահավաք է սկսել «Տափակ աշխարհ․ արկածներ Լանկրում և Ուբերվալդում» սեղանի դերային խաղի գրքի համար, որի գործողությունները ծավալվում են Թերի Փրաչեթի հորինած աշխարհում։ Խաղացողները կարող են ստեղծել կախարդների, վամպիրների և տրոլների կերպարներ՝ երկու տարածքներն ուսումնասիրելու համար։

Ինքնուրույն այս գիրքը հաջորդում է «Արկածներ Անք-Մորփորքում» խաղին, որը լոնդոնյան սեղանի խաղերի հրատարակչի՝ «Տափակ աշխարհին» նվիրված ավելի վաղ գործն է։ Նոր գիրքը ստեղծվել է Թերի Փրաչեթի «Տափակ աշխարհի» սեղանի խաղերի համար Modiphius-ի լիցենզային համաձայնագրի շրջանակում։ Modiphius-ն այդ խաղի լիցենզիան ձեռք է բերել 2024-ի փետրվարին, իսկ դրամահավաքի արշավը սկսել նույն տարվա հոկտեմբերին։

Կերպարներն ու հրատարակությունները

Խաղացողների նոր կերպարներից բացի՝ գիրքը տեղեկություններ է պարունակում վայրերի և ծանոթ կերպարների մասին, որոնց թվում են Օգգերի կլանն ու Վեզերվաքս տատը՝ Լանկրի կախարդների խմբի անդամներից մեկը։ ICv2-ն գրում է, որ արշավի շրջանակում առաջարկվում են սովորական և հավաքածուային հրատարակություններ․ վերջինս ներառում է Փոլ Քիդբիի նկարազարդումները։