Equinor-ը հայտնել է, որ իր դեմ կիբերհարձակումը կասեցվել է


Նորվեգական նավթագազային ընկերությունը հայտնել է, որ արտադրությունը չի տուժել, և տվյալների գողության կամ փոփոխման նշաններ չեն հայտնաբերվել։
Equinor-ը նոյեմբերի 20-ին հայտնել է, որ ընկերության դեմ կիբերհարձակումը կասեցվել է։ Նորվեգական նավթագազային ընկերության համաձայն՝ հարձակումը չի ազդել արտադրության վրա, և տվյալների գողության կամ փոփոխման նշաններ չկան։
Եվրոպայի գազի խոշորագույն մատակարարը նոյեմբերի 17-ին հայտնել էր, որ հայտնաբերել է ընթացող հարձակում, որն ազդել է իր որոշ տեղեկատվական համակարգերի վրա։ Այն ժամանակ ընկերությունը հայտնել էր, որ գործունեությունն ու արտադրությունը չեն տուժել։
Equinor-ը նաև հայտնել է, որ չկան նշաններ, թե հարձակումը բացասաբար է ազդել աշխատակիցների, գործընկերների կամ մատակարարների վրա։
Ավելի վաղ՝ Equinor․ ՏՏ համակարգերի վրա կիբեռհարձակումը շարունակվում է
Equinor-ի խոսնակ Էլեն Մարիա Շելսբեկը նորվեգական NTB լրատվական գործակալությանն ասել է, որ խափանումն ազդել է հավելվածների և ներքին տեղեկատվական համակարգերի վրա, սակայն ընկերությունը չի կորցրել որևէ համակարգի հասանելիությունը։ Reuters-ը նոյեմբերի 17-ին հայտնել է, որ Equinor-ում անանուն մի անձ իրեն ասել է, որ ընկերության ներքին էլեկտրոնային փոստի համակարգը չի աշխատել։
Նորվեգիայի ազգային անվտանգության ծառայությունը հայտնել է, որ կապի մեջ է Equinor-ի հետ և անհրաժեշտության դեպքում աջակցություն է տրամադրում։ Շելսբեկն ասել է, որ տեղեկացվել են ազգային անվտանգության ծառայությունը, Նորվեգիայի ծովային նավթագազային արդյունաբերության կարգավորող մարմինը և մի քանի նախարարություններ։ Նորվեգական NRK հեռարձակողի համաձայն՝ տեղեկացվել է նաև ոստիկանության անվտանգության ծառայությունը։

Equinor-ը հայտնել է, որ միջադեպի մասին տեղեկացրել է ոստիկանությանը։
Ընկերության խոսնակի խոսքով՝ աշխատակիցները կարող են դժվարություններ ունենալ կորպորատիվ հավելվածներից ու ծառայություններից օգտվելիս, մինչ Equinor-ն աշխատում է վերականգնել տուժած համակարգերը։
2 րոպե