Եվրահանձնաժողովը պայմանականորեն հավանություն է տվել JD.com-ի՝ Ceconomy-ի $2,5 միլիարդի գործարքին

Եվրահանձնաժողովը նոյեմբերի 3-ին հայտնել է, որ հավանություն է տվել JD.com-ի կողմից Ceconomy-ի ձեռքբերմանը՝ պայմանով, որ չինական էլեկտրոնային առևտրի ընկերությունը կկատարի առաջարկված պարտավորությունները։ Գերմանական էլեկտրոնիկայի մանրածախ վաճառողի ձեռքբերման գործարքն արժե $2,5 միլիարդ։

Որոշումն ընդունվել է օտարերկրյա սուբսիդիաների կանոնակարգի շրջանակում անցկացված քննությունից հետո։ Եվրահանձնաժողովն ուսումնասիրել է, թե արդյոք JD.com-ը Չինաստանի կառավարությունից ստացել է արտոնյալ ֆինանսավորում, հարկային արտոնություններ և դրամաշնորհներ, որոնք կարող էին օգնել նրան ավելի բարձր գին առաջարկել Ceconomy-ի համար, գրել է Reuters-ը։

JD.com-ը կարող է շարունակել ձեռքբերման գործընթացը՝ պայմանով, որ կկատարի պարտավորությունները։