Վրաստանի նախկին վարչապետ Իրակլի Ղարիբաշվիլիի կաշառքի գործով դատավարությունը սկսվել է

Թբիլիսիի քաղաքային դատարանում սկսվել է Վրաստանի նախկին վարչապետ Իրակլի Ղարիբաշվիլիի կաշառքի գործով դատական հիմնական նիստը։ Նա իրեն մեղավոր չի ճանաչել և գործը քաղաքական դրդապատճառներով հարուցված է համարել։ Այս մասին նոյեմբերի 3-ին գրել է JAMnews-ը։

Ղարիբաշվիլին արդեն դատապարտվել է 5 տարվա ազատազրկման՝ փողերի լվացման գործով կնքված դատավարական համաձայնագրի շրջանակում։ Կաշառքի գործն առանձին է․ այդ գործով մեղադրանքը նախատեսում է 11-ից 15 տարվա ազատազրկում։

Նոր մեղադրանքների առաջադրումից հետո Ղարիբաշվիլին առաջին անգամ էր դատարան ներկայանում։ Գործի քննությունը շարունակվում է Թբիլիսիի քաղաքային դատարանում։