Google-ը բացահայտել է ծրագրային խոցելիությունների շահագործում՝ առանց մարդու միջամտության


Google-ի խոսքով՝ հարձակվողներն exploit_agent համակարգով առանց մարդու մասնակցության հայտնաբերել և շահագործել են ծրագրային խոցելիություններ։ Այն տեղակայված էր սերվերի վրա, որտեղ նաև գողացված տվյալներ կային։
Google-ի սպառնալիքների հետախուզության խումբը հայտնել է, որ հայտնաբերել է հարձակվողների, որոնք exploit_agent համակարգով առանց մարդու միջամտության հայտնաբերել և շահագործել են ծրագրային խոցելիություններ։ Խումբն առաջին անգամ է նման գործողություն նկատել․ իր նախորդ եռամսյակային զեկույցում այն հայտնել էր, որ իրական պայմաններում թիրախների դեմ կիրառվող լիովին ինքնավար հարձակման համակարգեր չի նկատել։
Google-ը համակարգը հայտնաբերել է բաց հասանելիությամբ սերվերի վրա, որտեղ կային նաև տուժած կազմակերպություններից գողացված տվյալներ, գրել է BleepingComputer-ը։ Google-ի խոսքով՝ սերվերում տուժածների մասին տեղեկությունները հուշում են, որ համակարգը գործարկողին հատկապես հետաքրքրել են Ֆրանսիայի լրատվության, ժամանցի և կրթության ոլորտների կայքերը։
Google-ի խոսքով՝ exploit_agent-ը կարգավորված էր այնպես, որ անվտանգության թարմացումներից առաջ և հետո համեմատի տարածված վեբ հավելվածների կոդը, հայտնաբերի հնարավոր խոցելիությունները, մշակի դրանց շահագործման միջոցներ և ավտոմատ կիրառի դրանք։ Շահագործման միջոցը ծրագրային խոցելիությունից օգտվելու եղանակ է։ Համակարգը միավորում էր մի քանի մեծ լեզվային մոդել՝ ներառյալ տեղային համակարգերում տեղակայվածները։ Դրանք գերբանականության (ԳԲ) համակարգերի տեսակ են, որոնք մարզված են մեծ ծավալի տեքստերի վրա։
Google-ը զգուշացնում է, որ հարձակումներում նման համակարգերի կիրառումը կրճատել է այն ժամանակը, որն ունեն պաշտպանվող կողմերն անվտանգության թարմացումները տեղադրելու համար։ Ընկերության հետազոտողների կարծիքով՝ հարձակվողների համար արդեն շտկված խոցելիությունները վերլուծելը կարող է ավելի արդյունավետ լինել, քան անհայտները փնտրելը, քանի որ վերլուծության համար հասանելի նյութի ծավալը սահմանափակ է։

OpenAI-ն հայտնել է, որ ChatGPT for Academic Researchers ընդլայնված ծրագրով աշխարհի հետազոտողներին կառաջարկի անվճար օգտվել իր գերբանականության (ԳԲ) առաջատար մոդելներից։
1 րոպե

NVIDIA-ի խոսքով՝ նախատեսվող չիպը գիտական մոդելավորումների և տվյալների մշակման համար կհավասարակշռի տվյալների փոխանցումն ու հաշվարկները՝ հետազոտողներին և ինժեներներին պատկերացում տալով ապագա սարքավորումների մասին։
4 րոպե

La Poste-ն հանգստյան օրերին հաստատել է, որ սեպտեմբերին Maileva-ի վրա հարձակման հետևանքով բացահայտվել են նամակ ստացողների անուններն ու փոստային հասցեները։ Հաճախորդները հայտնել են նաև այլ տեղեկությունների մասին, որոնք կարող էին բացահայտվել։
3 րոպե