Իրանի պետական լրատվամիջոց․ հունվարյան բողոքների գործով 3 տղամարդ է մահապատժի ենթարկվել

Իրանում հունվարյան հակակառավարական բողոքի ցույցերի գործով մահապատժի են ենթարկել երեք տղամարդու՝ Հասան Դիոբանդին, Համիդ Ղազեմիին և Ռեզա Զանգանեին, հայտնել է պետական Tasnim լրատվական գործակալությունը։ Գործակալության խոսքով՝ մահապատիժներն իրականացվել են այն բանից հետո, երբ Գերագույն դատարանն անփոփոխ է թողել նրանց դատավճիռները։

Բողոքի ցույցերը սկսվել են 2025-ի դեկտեմբերին՝ կյանքի թանկության պատճառով, ապա վերածվել համատարած հակակառավարական ցույցերի՝ գագաթնակետին հասնելով 2026 թ․ հունվարի 8-ին և 9-ին։

Դատավճիռները

Տղամարդիկ մեղադրվում էին Թեհրանից արևմուտք գտնվող Քարաջ քաղաքում մոլոտովյան կոկտեյլներ և նռնակներ նետելու, սառը և հրազեն օգտագործելու, ինչպես նաև հանրային նշանակության օբյեկտներ հրկիզելու համար, հայտնել է Tasnim-ը, գրել է BBC-ն։

Tasnim-ի խոսքով՝ դատարանը նրանց մեղավոր է ճանաչել Իսրայելի, ԱՄՆ-ի և թշնամական բնորոշված խմբերի անունից գործնական գործողություններին մասնակցելու համար։

ՄԱԿ-ի մարդու իրավունքների գերագույն հանձնակատար Վոլկեր Թյուրքն օգոստոսին ասել է, որ մարտի 19-ից ի վեր ազգային անվտանգության հետ կապված մեղադրանքներով առնվազն 56 մարդ է մահապատժի ենթարկվել։ Նա ասել է, որ մտահոգված է մահապատիժների աճով։