Իտալիայի խորհրդարանի ստորին պալատն ընդունել է հակասեմիտիզմի օրինագիծը՝ 147–93 ձայնով


Օրինագծում ներառվել է Հոլոքոստի հիշատակի միջազգային դաշինքի սահմանումը, սակայն քրեական կամ ֆինանսական պատժամիջոցներ չեն նախատեսվել։ Քննադատները զգուշացնում են, որ այն կարող է խոչընդոտել պաղեստինցիների իրավունքների պաշտպանությանը, իսկ իշխող դաշինքը պնդում է, որ քաղաքական քննադատությունը պաշտպանված է։
Իտալիայի Պատգամավորների պալատը 2026 թ․ նոյեմբերի 17-ին վերջնական խորհրդարանական հավանություն է տվել հակասեմիտիզմի մասին օրինագծին՝ 147 կողմ, 93 դեմ ձայներով և 5 ձեռնպահ քվեարկությամբ։ Օրինագծում ներառված է Հոլոքոստի հիշատակի միջազգային դաշինքի՝ հակասեմիտիզմի աշխատանքային սահմանումը, սակայն քրեական կամ ֆինանսական պատժամիջոցներ նախատեսված չեն։
Սենատն օրինագիծը հավանության էր արժանացրել մարտին։ Ստորին պալատում կառավարությունն ու օրինագծի զեկուցող Պաոլո Էմիլիո Ռուսոն դեմ են արտահայտվել ընդդիմության բոլոր ուղղումներին, որոնք մերժվել են։
Դաշինքի սահմանմամբ՝ հակասեմիտիզմը հրեաների մասին ընկալում է, որը կարող է արտահայտվել նրանց հանդեպ ատելությամբ։ Բերված օրինակներից են Իսրայելի գործողությունների համար հրեաներին հավաքական պատասխանատվության ենթարկելը, ինքնորոշման իրավունքի ժխտումը և երկակի չափանիշների կիրառումը։ Փաստաթղթում նշվում է, որ պետք է հաշվի առնել ընդհանուր համատեքստը, և որ Իսրայելի հասցեին հնչող քննադատությունը, որը նման է ցանկացած այլ երկրի հասցեին հնչող քննադատությանը, չի կարող հակասեմիտական համարվել։
Քննադատները մտավախություն ունեն, որ սահմանման մեջ Իսրայելին վերաբերող դրույթները կարող են սահմանափակել նրա քաղաքականության քննադատությունը և պաղեստինցիների իրավունքների պաշտպանությունը։ Դեմոկրատական կուսակցության պատգամավոր Լաուրա Բոլդրինիի պնդմամբ՝ օրինագիծը կարող է զսպել քննադատությունը, քանի որ գործող օրենսդրությամբ հակասեմիտիզմի վերաբերյալ բողոք քննող դատավորը կարող է հղում անել այդ սահմանմանը։

«Աջերը շահարկում են հակասեմիտիզմի մասին օրինագիծը՝ քննադատությունը լռեցնելու համար»։
Վարչապետ Ջորջա Մելոնիի իշխող դաշինքը պնդում է, որ օրինագիծն անհրաժեշտ է բռնության և խտրականության դեմ պայքարելու համար, և որ Իսրայելի քաղաքական քննադատությունը մնում է պաշտպանված։ Իշխող «Ֆորցա Իտալիա» կուսակցության ներկայացուցիչ Ռուսոն ասել է, որ ոչ ոք չի ձգտել սահմանափակել արտահայտվելու ազատությունը կամ քննադատությունը, գրել է France 24-ը՝ Reuters-ի հետ համատեղ։
Դեմոկրատական կուսակցության, «Կանաչներ–ձախեր» դաշինքի և «Հինգ աստղ» շարժման ներկայացուցիչները ձգտում էին դաշինքի սահմանման փոխարեն կիրառել հակասեմիտիզմի մասին Երուսաղեմի հռչակագիրը։ Դեմոկրատական կուսակցության ղեկավարությունը կոչ էր արել դեմ քվեարկել օրինագծին, սակայն նրա 5 պատգամավորներ շեղվել են այդ դիրքորոշումից և ձեռնպահ քվեարկել։
Օրինագծի կողմնակիցները մատնանշել են Գազայի պատերազմի սկզբից ի վեր հակասեմիտական միջադեպերի աճը։ Միլանի հրեական ժամանակակից փաստագրության կենտրոնի հակասեմիտիզմի դիտակետը 2025 թվականին Իտալիայում արձանագրել է 963 միջադեպ՝ գրեթե 4 անգամ ավելի, քան 2022 թվականին։
Բանկի արտահոսած հուշագրում հյուրանոցային նախագծի երկու ընկերությունների մասնակցությամբ կասկածելի գործարքների արժեքը գերազանցել է $3 միլիոնը։ Դրանց թվում են նաև ադրբեջանական և ռուսական փողերի լվացման ցանցերի հետ կապված գործարքներ։
3 րոպե

Իրանի բանակը հայտարարել է Քուվեյթի ռազմաբազայում ԱՄՆ-ի հակաօդային պաշտպանության համակարգերն ու արձակման հարթակները թիրախավորելու մասին։ Քուվեյթը հայտնել է, որ իր հակաօդային պաշտպանությունն արձագանքում է թշնամական անօդաչուներին, իսկ Բահրեյնը՝ որ որսացել է Իրանի օդային հարձակումները։
3 րոպե

ԱՄՆ ռազմածովային ուժերի նախարարի պաշտոնակատար Հանգ Կաոն նոյեմբերի 17-ին սենատորներին ասել է, որ «Էպիկական կատաղություն» գործողության ընթացքում զինամթերքը կիրառելուց առաջ փոխել են դրա վիճակի ծածկագրերը։ Նա չի նշել զինատեսակները կամ դրանց քանակը։
2 րոպե