Ջեյմս Թալարիկոն հաղթել է Տեխասում ԱՄՆ Սենատի ընտրություններում, Քեն Փաքսթոնն ընդունել է պարտությունը

Դեմոկրատ Ջեյմս Թալարիկոն Տեխասում ԱՄՆ Սենատի ընտրություններում հաղթել է հանրապետական Քեն Փաքսթոնին, որն ընդունել է իր պարտությունը, հայտնել է DW-ն։ Associated Press-ը Թալարիկոյին հռչակել է ընտրությունների հաղթող։

Թալարիկոն 1988 թվականից ի վեր առաջին դեմոկրատն է, որը Տեխասում հաղթել է ԱՄՆ Սենատի ընտրություններում։ Նա կփոխարինի հանրապետական սենատոր Ջոն Քորնինին, որը կուսակցության նախնական ընտրություններում պարտվել էր Փաքսթոնին։

Տեխասի գլխավոր դատախազ Փաքսթոնը նախընտրական քարոզարշավի աջակիցներին ուղղված խոսքում շնորհավորել է Թալարիկոյին։

Սկսեմ նրանից, որ շնորհավորում եմ Ջեյմս Թալարիկոյին։

Թալարիկոն Տեխասի նահանգային ներկայացուցիչների պալատի անդամ է, նախկինում միջին դպրոցի ուսուցիչ է եղել և սովորում է պրեսբիտերական հոգևոր ճեմարանում։ Նրա նախընտրական քարոզարշավի առանցքում տնտեսական խնդիրները, քրիստոնեական հավատն ու քաղաքական միասնությունն էին։

Associated Press-ի կանխատեսմամբ՝ դեմոկրատները վերահսկողություն կհաստատեն Սենատի նկատմամբ։ Երկրի ամբողջ տարածքում ձայների հաշվարկը շարունակվում էր, և սպասվում էին նահանգային մակարդակի այլ արդյունքներ։