Հաղորդվում է՝ դատարանը մերժել է ԱՄՆ արդարադատության նախարարության հայցն Ալյասկայի Սենատի ընտրությունների մասին

Դատարանը մերժել է ԱՄՆ արդարադատության նախարարության հայցը, որով այն պահանջում էր արգելափակել Ալյասկայում Սենատի ընտրությունների արդյունքների պաշտոնական հաստատումը, եթե հանրապետական սենատոր Դեն Սալիվանը պարտվեր, գրել է Guardian-ը։ Նախարարությունը վկայակոչել էր «ընտրողների հնարավոր շփոթությունը», քանի որ քվեաթերթիկում Դեն Սալիվան անունով երկու թեկնածու կար։

Նախարարությունը հայցը ներկայացրել էր նախքան հրապարակումները, որոնցում պնդվում էր, թե Սենատի ընտրություններում դեմոկրատ թեկնածու Մերի Փելթոլայի նախընտրական արշավի թիմը փորձել է գործող սենատորի հետ գրեթե նույն անունն ունեցող մրցակից ներգրավել։ Փելթոլան հերքել է, թե տեղյակ է եղել իր թիմի նման ծրագրից։