Բեցեկին շարունակում է պայքարը չեմպիոնական տիտղոսի համար, սակայն վերջին երկու փուլում Մարկ Մարկեսի վաստակած կամ Բեցեկիի կորցրած ցանկացած միավոր նրան դուրս կթողնի այդ պայքարից։
Aprilia-ի արշավորդ Մարկո Բեցեկին հաղթել է MotoGP-ի Կատարի Գրան պրիում՝ Ducati-ի Մարկ Մարկեսից առաջ անցնելով 3,083 վայրկյանով։ Երրորդ տեղը զբաղեցրել է Trackhouse Aprilia-ի Ռաուլ Ֆերնանդեսը։
Բեցեկին մրցարշավը սկսել է առաջին մեկնարկային դիրքից և գլխավորել այն, իսկ Մարկեսը մրցարշավի երկրորդ կեսում առաջ է անցել Ֆերնանդեսից՝ զբաղեցնելով երկրորդ տեղը։
Մարկեսի երկրորդ տեղը զբաղեցնելուց հետո Բեցեկին դեռ շարունակում է պայքարը տիտղոսի համար։ Սակայն The Race-ը գրում է, որ այս պահից Մարկեսի վաստակած կամ Բեցեկիի կորցրած ցանկացած միավոր Բեցեկիին դուրս կթողնի չեմպիոնական պայքարից։
Դաստակի վնասվածքով հանդես եկող Խորխե Մարտինը զբաղեցրել է յոթերորդ տեղը։ Նա Մարկեսից հետ է մնում 60 միավորով, իսկ Պորտիմաոյում և Վալենսիայում կայանալիք վերջին փուլերում հնարավոր է վաստակել 74 միավոր։
Aprilia-ի արշավորդ Բեցեկին շրջանն անցել է 1 րոպե 50,028 վայրկյանում։ Ducati-ի Մարկ Մարկեսը նրան զիջել է 0,266 վայրկյան, իսկ երրորդ տեղը զբաղեցրած VR46 Ducati-ի Ֆաբիո Դի Ջանանտոնիոն Մարկեսից հետ է մնացել ևս 0,033 վայրկյանով։
1 րոպե
Մարկ Մարկեսը 4,1 վայրկյանով առաջ է անցել Պեդրո Ակոստայից, իսկ Ալեքս Մարկեսը զբաղեցրել է երրորդ տեղը։ Շաբաթ օրվա սպրինտում հաղթել էր Ակոստան՝ 0,578 վայրկյանով առաջ անցնելով Մարկ Մարկեսից։ Առաջնությունում նրա առավելությունը Խորխե Մարտինի նկատմամբ հասել է 44, Մարկո Բեցեկիի նկատմամբ՝ 67 միավորի։ Տիտղոսի ճակատագիրը մնում է չորոշված, իսկ Կատարի փուլի անցկացումն անորոշ է։
2 րոպե
