Ֆրանսիայի ժանդարմները գտել են Պիկասոյի 6 գրաֆիկական աշխատանք և ձերբակալել 7 տղամարդու

Ֆրանսիայի ժանդարմները նոյեմբերի 3-ին Ֆրանսիական Ռիվիերայի բնակարաններից մեկում գտել են Պաբլո Պիկասոյի գողացված 6 բնօրինակ գրաֆիկական աշխատանք և ձերբակալել 7 տղամարդու։ Աշխատանքները հոկտեմբերի 1-ին գողացվել էին Մուժենի L’Amandier ռեստորանից։

Մի քանի շաբաթ տևած հսկողությունից ու հեռախոսազրույցների գաղտնալսումից հետո մոտ 40 ժանդարմ խուզարկել է 2 բնակարան։ Գրաֆիկական աշխատանքներն անվնաս հայտնաբերվել են ննջասենյակում՝ իրար վրա դրված, հագուստի ու գործիքների արկղերի հետևում, գրել է Le Monde-ը։ Նոյեմբերի 4-ին ժանդարմերիան հայտնել է, որ աշխատանքները վերադարձվել են։

Գողությունն ու հետաքննությունը

Տեսախցիկների նկարահանումներում երևում է, թե ինչպես են դիմակներով ու ձեռնոցներով 2 տղամարդ ֆրանսիական ապակեպատ դռնով մտնում ռեստորան, հանում աշխատանքներն ու մեկ րոպեից էլ պակաս ժամանակում փախչում։ Երրորդ անձը հսկել է շրջակայքը՝ գտնվելով մոտակայքում կայանված մեքենայում։ Ռեստորանի սեփականատեր Մատյո Օտանը գողությունը հայտնաբերել է հաջորդ առավոտյան և ահազանգել իրավապահներին։

Գրասի դատախազությունը հետաքննություն է սկսել և այն հանձնարարել Կաննի քննչական բրիգադին։ Կասկածյալների հետքերը հայտնաբերելու համար քննիչներն օգտագործել են տեսախցիկների նկարահանումներն ու հեռախոսային տվյալները, ինչպես նաև հսկողություն և արտաքին հետևում են իրականացրել։

18-ից 30 տարեկան 7 տղամարդիկ ձերբակալվել են նոյեմբերի 3-ին՝ Ծովափնյա Ալպեր դեպարտամենտում, և վերցվել ոստիկանական կալանքի տակ։ Քննիչները նրանցից 3-ին կասկածում են գողությանն անմիջականորեն մասնակցելու, իսկ 4-ին՝ կազմակերպչական աջակցություն ցուցաբերելու կամ գողացված իրերը տնօրինելու մեջ։

Կաննի ժանդարմերիայի հրամանատար, փոխգնդապետ Գիյոմ Պլեդին ասել է, որ քննիչները պետք է արագ գործեին, քանի որ վտանգ կար, որ աշխատանքները կվերավաճառվեն ու կվերանան արվեստի շուկայից։ Նա նաև ասել է, որ աշխատանքները դժվար էր վաճառել, իսկ կասկածյալները գնորդ գտնելու համար անհրաժեշտ հմտություններ չունեին և ավելի շատ հայտնի էին թմրանյութերի ու զենքի հետ կապված իրավախախտումներով, գրել է