Ալեքսանդրը եզակի կանանցից էր, որոնք ստեղծել ու ղեկավարել են Ֆրանսիական դիմադրության ջոկատ։ Երկրորդ համաշխարհային պատերազմի տարիներին նա ապագա ամուսնու՝ Գի Դելիոյի հետ հիմնել էր Պա-դը-Բյոֆ ցանցը։
104 տարեկանում մահացել է Ֆրանսիական դիմադրության վետերան Սոլանժ Ալեքսանդրը՝ օրիորդական ազգանունը՝ Դյուբյուիսոն։ Երկրորդ համաշխարհային պատերազմի տարիներին նա համահիմնել ու ղեկավարել է գերմանական օկուպացիայի դեմ պայքարող ջոկատ։ Նրա մահվան մասին հայտարարվել է Լե Մանի ծերանոցներից մեկում, գրել է BBC-ն։
Դիմադրության սուրհանդակ աշխատելուց հետո Ալեքսանդրն ու նրա ապագա ամուսին Գի Դելիոն 1944 թվականի ապրիլին Ռյուիե-սյուր-Լուարի մոտ հիմնել են Պա-դը-Բյոֆ ցանցը։ Նա այն եզակի կանանցից էր, որոնք ստեղծել ու ղեկավարել են գերմանացիների դեմ կռվող իրենց սեփական ջոկատը։
Ալեքսանդրը հիշում էր, որ գեներալ Շառլ դը Գոլի՝ 1940 թվականի հունիսին հնչեցրած ռադիոկոչը՝ շարունակել պայքարը Գերմանիայի դեմ, իրեն համոզել էր միանալ պայքարին։ Ամիսներ անց հոր ընկերը՝ Թունիսում ծնված ֆրանսիական բանակի վետերան Սաիդ Բելհաֆաֆը, նրան ներգրավել է Դիմադրության շարժման մեջ։ 1941 թվականից նա Կորլե ծածկանվամբ տեղեկություններ էր հավաքում ու հեծանիվով հաղորդագրություններ տեղափոխում Լե Մանի շրջակայքում։
Նա Դելիոյին հանդիպել է 1943 թվականին, երբ վերջինս լքել էր ֆրանսիական ժանդարմերիան՝ հրաժարվելով ձերբակալել հրեաներին։ Դաշնակիցների ներխուժման մոտենալուն պես նրանք թաքնվել են անտառապատ բլուրներում, որտեղ տեղի ֆերմերները նրանց սնունդ էին մատակարարում։ Նրանց խմբում էին գերմանական հարկադիր աշխատանքի ծրագրերից փախած մարդիկ, թշնամու կողմից ոչնչացված Դիմադրության մեկ այլ խմբի ողջ մնացած անդամներ, ինչպես նաև մեկ ամերիկացի և մեկ կանադացի օդաչու։
Ալեքսանդրի հրամանատարության տակ մոտ 30 տղամարդ կար։ Նա դիվերսիաներ էր կազմակերպում և ապաստարան տալիս դաշնակից օդաչուներին։ 1944 թվականին Նորմանդիայում դաշնակիցների ափհանումից հետո նա միացել է գերմանական ուժերի դեմ մարտերին և 1944 թվականի սեպտեմբերին մասնակցել Տուրի ազատագրմանը։
Ալեքսանդրը պատերազմն ավարտել է Ֆրանսիական ներքին ուժերի կրտսեր լեյտենանտի կոչումով։ Այդպես էր դը Գոլն անվանում Դիմադրության մարտիկներին պատերազմի հետագա փուլերում։ Ազատագրման ընթացքում նրանց ջոկատները գրավում էին կամուրջները, սկսում քաղաքների ազատագրումն ու հետախուզական տեղեկություններ հավաքում, մինչ դաշնակից զորքերն առաջ էին շարժվում։
Ծոցի վեց երկրների համագործակցության խորհուրդը հավանություն է տվել նաև առաջապահ շտաբին «համապատասխան» ուժեր հատկացնելու որոշմանը։ Նոր շտաբը նախատեսվում է ստեղծել Էր Ռիադում գործող շտաբին զուգահեռ։
Պատերազմից հետո Ալեքսանդրն աշխատել է որպես ուսուցչուհի և ուղեկցել Դելիոյին ֆրանսիական անդրծովյան տարածքներում նրա ժանդարմերիական ծառայության վայրեր։ Նա սպանվել է Մարտինիկում 1960 թվականին, իսկ Ալեքսանդրը 1981 թվականին կրկին ամուսնացել է։
2024 թվականին նա ընդունել է Պատվո լեգեոնի շքանշանը՝ դրանից երկու անգամ հրաժարվելուց հետո։ Ալեքսանդրն ասել էր, որ ընդամենը կատարել է իր պարտքը, իսկ մյուսներն ավելի արժանի են։ Շքանշանն ընդունելիս նա ասել է, որ դա մեծ հաճույք և մեծ պատիվ է, և որ ինքը շատ հպարտ է։
Ֆրանսիայի նախագահ Էմանուել Մակրոնը սոցիալական ցանցում հարգանքի տուրք է մատուցել Ալեքսանդրի հիշատակին՝ ասելով, որ նա իր ծառայությունը պարտք էր համարում։ «Բայց նրա պարտքը մեր ազատությունն էր։ Ֆրանսիան երբեք չի մոռանա»,– ասել է նա։
2 րոպե
Օվիեդոյում պայթյունի հետևանքով ականազերծող ոստիկան է ծանր վիրավորվել։ Ոստիկանները փնտրում են կասկածյալին․ նրանք դեպքի վայր էին մեկնել հարևանների վեճի պատճառով, որի ընթացքում մի կնոջ վրա կրակել էին։
1 րոպե
Ֆրանսիայի նախագահն ասել է նաև, որ առաջարկվող խարտիան ընկերություններին կպարտավորեցնի ստուգել մոդելները՝ նախքան երեխաներին հասանելի դարձնելը։ Նա ցանկանում է, որ մասնագետները բացահայտեն վտանգավոր փոխազդեցությունները։
2 րոպե
