Toho-ն հայտարարել է 2027-ին Spy x Family-ի նոր ֆիլմի և չորրորդ եթերաշրջանի մասին

Ճապոնական Toho կինոստուդիան, ֆիլմերի տարածողը և կինոցանցի օպերատորը հայտարարել է, որ Spy x Family-ի նոր լիամետրաժ ֆիլմը Ճապոնիայի կինոթատրոններում կցուցադրվի 2027-ին։ Նույն թվականին հեռուստատեսությամբ կցուցադրվի նաև անիմեի չորրորդ եթերաշրջանը։ Variety-ն գրել է, որ Toho-ն հրապարակել է նաև չորրորդ եթերաշրջանի պատկերազդը, որտեղ Ֆորջերների ընտանիքը քայլում է եվրոպական ոճի քաղաքային փողոցով, իսկ նրանց կողքով թերթերի էջեր են թռչում։

Տացույա Էնդոյի մանգայի հեռուստատեսային էկրանավորումն առաջին անգամ ցուցադրվել է 2022-ին։ Ավելի վաղ թողարկված Spy × Family Code: White ֆիլմը Ճապոնիայում կինոէկրաններ է բարձրացել 2023 թ․ դեկտեմբերի 22-ին։

Ֆորջերների ընտանիքի վերադարձը

Պատմության կենտրոնում լրտես Լոիդ Ֆորջերն է, որը գաղտնի հանձնարարություն կատարելու համար կեղծ ընտանիք է կազմավորում։ Նրա կինը՝ Յորը, վարձու մարդասպան է, սակայն ամուսիններից ոչ մեկը չգիտի մյուսի իրական ինքնությունը։ Նրանց որդեգրած դուստր Անյան կարողանում է մտքեր կարդալ և գիտի երկուսի գաղտնիքն էլ, իսկ ընտանիքի շունը՝ Բոնդը, տեսնում է ապագան։

Toho-ն հայտնել է, որ երկու նախագծերի թողարկման ճշգրիտ ժամկետները, սյուժեներն ու արտադրության մանրամասները կհայտարարի ավելի ուշ։