Starbucks-ը մտադիր է 5 տարում Մեծ Բրիտանիայում 7 500 բարիստա վարձել

Starbucks-ը մտադիր է 5 տարվա ընթացքում Մեծ Բրիտանիայում 7 500 նոր բարիստա վարձել։ Ամերիկյան սրճարանների ցանցն արդեն ավելի քան 18 000 աշխատակից ունի երկրում։

Նախատեսվում է, որ նոր աշխատակիցները կաշխատեն այն 500 սրճարաններում, որոնք Starbucks-ը հույս ունի բացել Մեծ Բրիտանիայում մինչև 2031 թվականը։ Ընկերությունն ընդլայնման այդ ծրագրի մասին հայտարարել էր ավելի վաղ՝ 2026 թվականին, այն բանից հետո, երբ 2025-ին $1 միլիարդ արժողությամբ գլոբալ վերակազմավորման շրջանակում փակել էր Մեծ Բրիտանիայում անբավարար արդյունքներ գրանցող տասնյակ սրճարաններ։

Հավաքագրումը կկենտրոնանա Լոնդոնից դուրս

Starbucks-ը հայտնել է, որ հավաքագրումը կկենտրոնանա Միդլենդսում, Հյուսիսային Անգլիայում, Ուելսում և Շոտլանդիայում, քանի որ ընկերությունը ձգտում է ընդլայնվել M25-ից հյուսիս։ The Guardian-ը նախատեսվող հավաքագրումը համարում է երիտասարդների զբաղվածությանը նպաստող քայլ։

Starbucks-ի բրիտանական ստորաբաժանման ղեկավար Դարեն Քինգն ասել է, որ ընկերությունը ցանկանում է օգնել ավելի շատ երիտասարդների զբաղեցնել այդ պաշտոնները՝ հնարավորինս հասանելի դարձնելով սկսնակների համար նախատեսված աշխատատեղերը։ Աշխատակիցների հավաքագրումն ու սրճարանների բացումը դեռ առաջիկա տարիների ծրագրեր են։