Target-ի շահույթը կազմել է $1,67 միլիարդ՝ ներառյալ մաքսատուրքի $301 միլիոնի վերադարձը


Մաքսատուրքի վերադարձը կազմել է գործառնական շահույթի մոտ 18%-ը և տարեկան աճի շուրջ 42%-ը։ Աճել են նաև ապրանքների վաճառքն ու հաճախորդների հոսքը։
Target-ի ֆինանսական տարվա երրորդ եռամսյակի գործառնական շահույթը նախորդ տարվա $948 միլիոնից աճել է՝ հասնելով $1,67 միլիարդի։ Այն ներառում է մաքսատուրքի $301 միլիոնի վերադարձը։ Եռամսյակն ավարտվել է 2026 թ․ հոկտեմբերի 31-ին։
Հաշվետու գործառնական շահույթի մոտ 18%-ը բաժին է ընկել վերադարձված գումարին։ Շահույթի կլորացված ցուցանիշներով հաշվարկելու դեպքում այն կազմել է մոտ $722 միլիոն աճի շուրջ 42%-ը։ Առանց վերադարձի գործառնական շահույթը կկազմեր մոտ $1,37 միլիարդ՝ գերազանցելով վերլուծաբանների սպասած $1,3 միլիարդը։
Աճին նախորդել էր 2025 թվականին համադրելի վաճառքի 2,6% անկումը, երբ գնորդները կրճատել էին ոչ առաջին անհրաժեշտության գնումները։ Համադրելի վաճառքը չափում է գործող խանութների և այլ ստորաբաժանումների արդյունքները՝ թույլ տալով դրանք համեմատել ժամանակի ընթացքում։
Երրորդ եռամսյակում ապրանքների վաճառքը նախորդ տարվա համեմատ աճել է 6,9%-ով՝ հասնելով $26,45 միլիարդի և գերազանցելով վերլուծաբանների սպասած $25,96 միլիարդը։ Համադրելի վաճառքն աճել է 5,6%-ով, ինչին նպաստել է հաճախորդների հոսքի 5% աճը։
Target-ը 2026 թվականին խանութների արդիականացման համար $5 միլիարդ է հատկացրել։ Գլխավոր տնօրեն Մայքլ Ֆիդելկեի ղեկավարությամբ մանրածախ վաճառքով զբաղվող ընկերությունն ընդլայնել է նաև ապրանքների տեսականին, այդ թվում՝ Target Beauty Studio-ի միջոցով։ Այն գործարկվել է սեպտեմբերի 10-ին՝ ներկայացնելով բարձրակարգ և միջազգային 90 ապրանքանիշ։
Ֆիդելկեն Target-ի գլխավոր տնօրեն է դարձել 2026 թվականի փետրվարին՝ փոխարինելով Բրայան Քորնելին։ Նախկինում նա ընկերության գործառնական տնօրենն էր։
GlobalData Retail-ի գործադիր տնօրեն Նիլ Սոնդերսը Fortune-ին ասել է, որ արդիականացված խանութներն ու նոր ապրանքներն օգնում են Target-ին մրցակցել ոչ միայն գնով։ Նրա խոսքով՝ շահույթի աճն առանց վերադարձված գումարի արտացոլում է սպառողների շրջանում ընկերության առաջընթացը։

«Այսուհանդերձ, նույնիսկ եթե հանենք մաքսատուրքի վերադարձից ստացված շահույթը, Target-ի արդյունքը միևնույն է բարձր է նախորդ տարվա ցուցանիշից։ Կարծում եմ՝ դա իսկապես արտացոլում է, որ ընկերությունը որոշակի առաջընթաց ունի սպառողների շրջանում»։
2026 թ․ փետրվարի 20-ին ԱՄՆ Գերագույն դատարանը Learning Resources, Inc.-ն ընդդեմ Թրամփի գործով վճռել է, որ Միջազգային արտակարգ տնտեսական լիազորությունների մասին օրենքը նախագահին մաքսատուրքեր սահմանելու իրավասություն չէր տալիս։ Այդ որոշումից հետո Target-ը 2026 թվականի առաջին ինը ամիսների ընթացքում հաշվառել է մաքսատուրքերի $1,3 միլիարդի վերադարձ։
Նախնական համաձայնագիրը թույլ կտա անցումային ֆոնդերին ներդրումներ անել համապատասխանող նավթագազային ընկերություններում, որոնք կապիտալ ծախսերի առնվազն 20%-ն ուղղում են ԵՄ կայունության չափանիշներին համապատասխան գործունեության։
3 րոպե

Կազմակերպության կանխատեսմամբ՝ 2028-ից խաղացողների տարեկան վճարումները կգերազանցեն $350 միլիոնը, իսկ զուգախաղի և օրացույցի վերաբերյալ որոշումները դեռ սպասվում են։
3 րոպե

Վոլֆրամ Վայմերն առաջարկում է վաճառել TikTok-ի՝ ԵՄ-ում գործող բիզնեսի 75%-ից 80%-ը՝ ասելով, որ եվրոպական հինգ երկրում ներդրողներ են հետաքրքրված դրանով։ TikTok-ը մերժում է առաջարկը։
2 րոպե