Tencent-ի հասույթն աճել է 8%-ով՝ մինչև 207,34 միլիարդ յուան ($31,1 միլիարդ)՝ սպասվածից ցածր


Ընկերության երրորդ եռամսյակի զուտ շահույթն աճել է 0,8%-ով՝ հասնելով 63,61 միլիարդ յուանի (մոտ $9,5 միլիարդ) և գերազանցելով վերլուծաբանների սպասումները, մինչդեռ հասույթը կանխատեսվածից ցածր է եղել։
Tencent-ի երրորդ եռամսյակի հասույթը նախորդ տարվա նույն ժամանակահատվածի համեմատ աճել է 8%-ով, սակայն չի հասել վերլուծաբանների կանխատեսումներին, մինչդեռ զուտ շահույթը գերազանցել է սպասումները։ Խաղային բիզնեսի աճի դանդաղմանը զուգընթաց հասույթի աճը նախորդ եռամսյակի 11%-ի համեմատ նվազել է․ այդ եռամսյակում հասույթը կազմել էր 204,79 միլիարդ յուան (մոտ $30,7 միլիարդ), գրել է CNA-ն։ Գերբանականության (ԳԲ) ծառայությունների պահանջարկը խթանել է չինական տեխնոլոգիական ընկերության ամպային բիզնեսը։
Նոյեմբերի 18-ին հրապարակված արդյունքները վերաբերում են սեպտեմբերին ավարտված երեք ամիսներին։ Tencent-ի գործունեությունը ներառում է առցանց խաղեր, սոցիալական ցանցեր, ֆինանսական տեխնոլոգիաներ, ամպային հաշվարկներ և թվային ժամանց։
| Ցուցանիշ | Հրապարակված արդյունք | Փոփոխությունը նախորդ տարվա համեմատ | Վերլուծաբանների կանխատեսում |
|---|---|---|---|
| Հասույթ | 207,34 միլիարդ յուան (մոտ $31,1 միլիարդ) | Աճ՝ 8% | 210,77 միլիարդ յուան |
| Զուտ շահույթ | 63,61 միլիարդ յուան (մոտ $9,5 միլիարդ) | Աճ՝ 0,8% | 59,46 միլիարդ յուան |
Մինչ արդյունքների հրապարակումը UBS-ը հայտնել էր, որ չորրորդ եռամսյակում խաղային բիզնեսի աճը կարող է ճնշման տակ հայտնվել՝ նախորդ տարվա բարձր համեմատական ցուցանիշի և խոշոր նոր խաղերի թողարկումների բացակայության պատճառով։
Վահե Հովհաննիսյանն առաջարկում է տարեկան շրջանառության շեմը 24 միլիոն դրամից բարձրացնել 50 միլիոն դրամի՝ հարկման համակարգը հասանելի դարձնելով ավելի շատ կազմակերպությունների ու անհատ ձեռնարկատերերի։
2 րոպե

Բանկի արտահոսած հուշագրում հյուրանոցային նախագծի երկու ընկերությունների մասնակցությամբ կասկածելի գործարքների արժեքը գերազանցել է $3 միլիոնը։ Դրանց թվում են նաև ադրբեջանական և ռուսական փողերի լվացման ցանցերի հետ կապված գործարքներ։
3 րոպե

PLD Space-ը նախատեսում է MIURA 5-ի երկրորդ փորձնական թռիչքով Mitsubishi Electric-ի արբանյակը հասցնել Երկրի ցածր ուղեծիր։ Ժամանակացույցը կախված է առաջին թռիչքի արդյունքից։
1 րոպե