Toyota-ն տարեկան $6,4 միլիարդ է նախատեսում ռոբոտների և գործարանների ավտոմատացման համար

Toyota-ն նախատեսում է գործածության մեջ դնել 400 000 ռոբոտ՝ տարեկան $6,4 միլիարդի ներդրումային ծրագրի շրջանակում։ Այս մասին Financial Times-ի հրապարակմանը հոկտեմբերի 26-ին անդրադարձել է The Decoder-ը։

Աշխարհի խոշորագույն ավտոարտադրողը ցանկանում է դառնալ ռոբոտատեխնիկայի համաշխարհային ընկերություն։ Նրա ծրագիրն ընդգրկում է մարդանման՝ մարդու տեսք ունեցող ռոբոտներն ու գործարանների ավտոմատացումը։ 400 000-ը գործածության մեջ դնելու համար նախատեսված ռոբոտների ընդհանուր թիվն է, ոչ թե արդեն տեղադրվածների քանակը։

Ներդրողները զգուշավոր դիրքորոշում են հայտնել՝ մատնանշելով ջրածնով աշխատող ավտոմեքենաների և պինդ էլեկտրոլիտով մարտկոցների ուղղությամբ Toyota-ի նախկին աշխատանքը, որը, նրանց խոսքով, չի արդարացրել սպասումները։

Toyota-ն նախատեսում է ռոբոտները սկզբում գործածել սեփական գործարաններում

Toyota-ի ղեկավարներից մեկն ասել է, որ ռոբոտները սկզբում գործածության մեջ կդրվեն ընկերության սեփական գործարաններում, քանի որ այնտեղ միջավայրն ավելի հեշտ է վերահսկել։ Ուստի նախատեսվում է ռոբոտների աշխատանքը սկսել հենց այդ գործարաններից։