Գյոթեբորգի կինոփառատոնը պարգևատրում է Յոահիմ Տրիերին և Էսկիլ Ֆոգտին


«Սենտիմենտալ արժեք» ֆիլմի հեղինակներն ընտրվել են 2027 թվականի «Հյուսիսային պատվավոր վիշապ» մրցանակի դափնեկիրներ, որը նախատեսվում է հանձնել փառատոնի բացման արարողությանը։
Գյոթեբորգի կինոփառատոնը Յոահիմ Տրիերին և Էսկիլ Ֆոգտին ընտրել է 2027 թվականի «Հյուսիսային պատվավոր վիշապ» մրցանակի դափնեկիրներ։ Նորվեգացի կինոգործիչներին մրցանակը նախատեսվում է հանձնել փառատոնի բացման արարողությանը՝ 2027 թ․ հունվարի 29-ին, գրել է Variety-ն։
Տրիերը նկարահանել է «Սենտիմենտալ արժեք» ֆիլմը, որի սցենարը գրել է Ֆոգտի հետ։ Ընտանեկան դրաման երկու օտարացած քույրերի մասին է, որոնք Օսլոյի իրենց տանը վերամիավորվում են հոր հետ։ Ֆիլմը 2026-ին արժանացել է «Օսկար»-ի՝ միջազգային լիամետրաժ ֆիլմ անվանակարգում, և ստացել է մրցանակի 9 անվանակարգ։
Կինոգործիչների «Օսլոյի եռերգությունը» սկսվել է 2006-ի «Ռեպրիզ» ֆիլմով, շարունակվել «Օսլո, օգոստոսի 31» ֆիլմով և ավարտվել 2021-ին՝ «Աշխարհի ամենավատ մարդը» ֆիլմով։ Վերջինս «Օսկար»-ի է առաջադրվել լավագույն օրիգինալ սցենար և միջազգային լիամետրաժ ֆիլմ անվանակարգերում։
Փառատոնի գեղարվեստական ղեկավար Պիա Լունդբերգն ասել է, որ մրցանակով գնահատվում է կինոգործիչների համատեղ ստեղծագործական աշխատանքը։
«Յոահիմ Տրիերն ու Էսկիլ Ֆոգտը բացառիկ ունակություն ունեն պատկերելու մարդկանց, որոնք փորձում են հասկանալ իրենք իրենց և գտնել իրենց տեղն աշխարհում»։
Տրիերն ու Ֆոգտը 2027 թ․ հունվարի 30-ին Գյոթեբորգի «Ստորա Տեատեռն» թատրոնում հանդես կգան ռեժիսորական զրույցով։ Փառատոնը նախատեսում է նաև նրանց ֆիլմերի հետահայաց ցուցադրություն։
Փառատոնի տեղեկացմամբ՝ դրա 50-րդ թողարկումը կանցկացվի 2027 թ․ հունվարի 29-ից փետրվարի 7-ը։ Կինոցուցադրությունների տոմսերի վաճառքը Silver և Gold անդամների համար կսկսվի հունվարի 8-ին, իսկ մյուսների համար՝ հունվարի 9-ին։ Կինոցուցադրություններին մասնակցելու համար անհրաժեշտ են և՛ տոմս, և՛ փառատոնային անցագիր։
Քեյ փոփի մենակատարի 5 երգից բաղկացած թողարկումը բացվում է «Too Much» երգով, որին մասնակցել է չիլիացի երգչուհի, երգերի հեղինակ և ռեփեր Ակրիլան։
2 րոպե

Դուա Լիպան, Փլեյբոյ Քարթին, Լանա Դել Ռեյը, Քարդի Բին, Justice-ը, Մորգան Ուոլենը և Ռաու Ալեխանդրոն ալբոմի մասնակիցներից են։ Այն հոսքային հարթակներում հասանելի է դարձել խաղի թողարկումից մեկ օր անց։
2 րոպե

Նիգերիացի երգչի յոթ երգից բաղկացած մինի ալբոմը բացվում է «Feel Alright»-ով՝ Վիզքիդի հետ նրա առաջին պաշտոնական համատեղ թողարկմամբ։ Ալբոմում տեղ են գտել նաև հինգ երգ, որոնք նախկինում որպես սինգլ չէին թողարկվել։
2 րոպե