Սամբոյի աշխարհի առաջնություն․ Շատվերյանն առաջին օրը նվաճել է արծաթե մեդալ

Ուզբեկստանի Տաշքենդ քաղաքում նոյեմբերի 6-ին մեկնարկած սամբոյի աշխարհի 2026 թվականի առաջնության առաջին օրը Հայաստանը նվաճել է երկու մեդալ․ Բորիս Շատվերյանը՝ արծաթե, իսկ Մայիս Ներսեսյանը՝ բրոնզե։ Sportaran-ը հայտնել է, որ 50-րդ առաջնությանը մասնակցում են մարզիկներ 101 երկրից։

Շատվերյանը եզրափակիչ է հասել՝ անընդմեջ հաղթելով Էկվադորի, Նիկարագուայի, Մոլդովայի և Ղրղզստանի ներկայացուցիչներին։ Ոսկե մեդալի համար մենամարտում նրան հաղթել է Բուլղարիան ներկայացնող Իվան Խարկովը։

Ներսեսյանը հաղթել է Ղրղզստանի և Տաջիկստանի ներկայացուցիչներին, ապա կիսաեզրափակչում պարտվել է Թուրքմենստանի մարզիկին։ Այդ քաշային կարգում հաղթել է Թուրքմենստանի ներկայացուցիչ Սանջարբեկ Ավազբերդիևը։

Հայաստանի մյուս ներկայացուցիչների արդյունքները

Առաջին օրվա մեդալային հաշվարկը գլխավորել է Ռուսաստանը՝ երեք ոսկե, մեկ արծաթե և մեկ բրոնզե մեդալով։ Մրցումները կշարունակվեն նոյեմբերի 7-ին և 8-ին․ մեդալների մնացած խաղարկությունները նախատեսված են այդ օրերին։