Ադրբեջանի սննդի անվտանգության գործակալությունը կարգադրել է վաճառքից հանել ուկրաինական սպրեդը

Ադրբեջանի սննդի անվտանգության գործակալությունը կարգադրել է վաճառքից հանել ուկրաինական Luks Golden Ratne սպրեդի մի խմբաքանակ այն բանից հետո, երբ լաբորատոր փորձաքննությամբ պարզվել է, որ այն չի համապատասխանում սահմանված չափանիշներին, գրել է JAMnews-ը։ Խմբաքանակի վաճառքը կասեցվել է։

Սպրեդն արտադրել է Ratnivskyi Molokozavod-ը, իսկ ներմուծել՝ Qədiroğlu-ն։ Գործակալությունը տեղեկացրել է Ուկրաինայի իշխանություններին արտադրողի՝ Ադրբեջան բոլոր արտահանումների ժամանակավոր սահմանափակման մասին։