Վրացի լրագրող Էլիսո Կիլաձեն խարդախության գործով դատապարտվել է 10 տարվա ազատազրկման


Խարդախության և փողերի լվացման համար մեղավոր ճանաչելով լրագրողին՝ դատարանը նաև որոշել է բռնագրավել նրա մեքենան և $30 000-ը։ Կիլաձեն իրեն մեղավոր չի ճանաչում և հետապնդումը քաղաքական դրդապատճառներով է պայմանավորում։
Թբիլիսիի քաղաքային դատարանը վրացի լրագրող Էլիսո Կիլաձեին խարդախության և փողերի լվացման համար դատապարտել է 10 տարվա ազատազրկման և որոշել բռնագրավել նրա մեքենան ու $30 000-ը։ Դատավոր Ջվեբե Նաչկեբիան դատավճիռը հրապարակել է նոյեմբերի 17-ին։
Կիլաձեն ձերբակալվել էր փետրվարի 18-ին՝ 10 անձի առնչվող քննության շրջանակում։ Նրանց թվում էր նաև Վրաստանի նախկին գլխավոր դատախազ Օթար Փարցխալաձեն։ Կիլաձեի գործն առանձնացվել էր մյուս 9 մեղադրյալների գործերից։
Կիլաձեն հիմնադրել է Kronika+ լրատվամիջոցը և նախկինում եղել դրա, ինչպես նաև CNews-ի գլխավոր խմբագիրը։ Civil.ge-ի գրածի համաձայն՝ նա գործը շինծու է անվանել։ Կիլաձեն պետական անվտանգության ծառայության նախկին ղեկավար Մամուկա Մդինարաձեին մեղադրել է քաղաքական դրդապատճառներով իր հետապնդումը կազմակերպելու, իսկ գլխավոր դատախազ Գիորգի Գվարաքիձեին՝ նրան աջակցելու համար։
Դատախազները պնդել են, որ Փարցխալաձեի հովանավորությամբ գործող խումբը Թբիլիսիի մի քանի վայրերում զանգերի կենտրոններ է աշխատեցրել։ Նրանց խոսքով՝ խումբը կեղծ առցանց ներդրումային հարթակների միջոցով գումար է ստացել օտարերկրյա հաճախորդներից և լվացել ստացված միջոցները։
Դատախազները Կիլաձեին մեղադրել են լրատվամիջոցների լուսաբանման միջոցով կենտրոնների գործունեությունն օրինական ներկայացնելու համար, եթե այն բացահայտվեր կամ բացահայտման վտանգ առաջանար։ Նրանք նաև պնդել են, որ նա հրապարակել է մրցակից կենտրոնների տեղակայման վայրերի ու աշխատակիցների մասին տեղեկություններ կամ սպառնացել է հրապարակել դրանք՝ շանտաժի միջոցով մարդկանց հավաքագրելու պայմաններ ստեղծելու համար։
Մեղադրանքները ներկայացվել են Քրեական օրենսգրքի 180-րդ հոդվածի 4-րդ և 194-րդ հոդվածի 3-րդ մասերով, որոնք վերաբերում են կազմակերպված խմբի կողմից խարդախությանը և փողերի լվացմանը, գրել է Netgazeti

Դատարանը մեղմացրել է 8 պատիժ այն բանից հետո, երբ կողմերը հրաժարվել են փոխադարձ պահանջներից, իսկ տուժողը խնդրել է ազատ արձակել դատապարտվածներին, հայտնել է դատական դեպարտամենտը։ MMA Fighting-ը, հղում անելով The National-ին, գրել է, որ Ուսման և Ումար Նուրմագոմեդովներն ու նրանց հետ եղած անձինք ազատ են արձակվել։ Ըստ MMA Fighting-ի՝ եղբայրներն այնուհետև արտաքսվել են Արաբական Միացյալ Էմիրություններից։
Հրապարակային է եղել միայն դատավճռի հայտարարումը։ Կիլաձեն իր վերջին խոսքն ասել է դռնփակ նիստում, իսկ նրա փաստաբանը դրա նախապես պատրաստված տեքստը տրամադրել է լրատվամիջոցներին։
Պաշտպան Նաթիա Կորկոտաձեն ասել է, որ Կիլաձեն և նրա փաստաբանները բազմիցս խնդրել են նիստերը բաց անցկացնել։ Դատախազությունն ու դատարանը, նիստերը փակ պահելու անհրաժեշտությունը հիմնավորելով, վկայակոչել են գործի նյութերում նախկին բարձրաստիճան պաշտոնյաների մասին տեղեկությունների առկայությունը և վկաների վրա ճնշում գործադրելու վտանգը։
3 րոպե

Վենանսիո Մոնդլանը նոյեմբերի 17-ին ներկայացել է Գերագույն դատարան՝ հետընտրական բողոքի ցույցերի առնչությամբ առաջադրված 5 մեղադրանքով դատարանի առաջ կանգնելու համար։ Նա հերքում է դրանք և կարող է դատապարտվել մինչև 24 տարվա ազատազրկման, եթե մեղավոր ճանաչվի ամենածանր՝ ահաբեկչության դրդման մեղադրանքով։
4 րոպե

Ռուսաստանի անվտանգության դաշնային ծառայությունը հայտարարել է, որ կանխել է Կասպից ծովում նավերի, ռազմական օդանավակայանների և ենթակառուցվածքների դեմ հարձակումները, որոնք, ըստ ծառայության, ծրագրել էր Ուկրաինայի ռազմական հետախուզության և անվտանգության ծառայության համար աշխատող ցանցը։ Քրեական գործ է հարուցվել։
3 րոպե