Ամստերդամի վավերագրերի փառատոնում հաղթեցին «Ուրվականի տարին», «Կայծակի հիշողությունները»


Լուի ՀոթՀոթՀոթի վավերագրական ֆիլմն արժանացել է միջազգային մրցույթի լավագույն ֆիլմի մրցանակին, իսկ Ռիկարդո Ջակոնիի ֆիլմը՝ Envision մրցույթի լավագույն ֆիլմի մրցանակին։
«Ուրվականի տարին» և «Կայծակի հիշողությունները» նոյեմբերի 19-ին արժանացել են Ամստերդամի վավերագրական կինոյի միջազգային փառատոնի (IDFA) իրենց մրցույթների լավագույն ֆիլմի մրցանակներին։ Մրցանակաբաշխությունն անցկացվել է Ամստերդամի «Այ» կինոթանգարանում։
Փառատոնը մրցութային ծրագրերն ազդարարել էր հոկտեմբերի 15-ին․ դրանցից յուրաքանչյուրում 13 ֆիլմ էր ընդգրկված։ Լավագույն ֆիլմի յուրաքանչյուր մրցանակին կից տրվում է €15 000։
Նիդեռլանդների և Չինաստանի համատեղ արտադրության «Ուրվականի տարին» ֆիլմը պատմում է ՀոթՀոթՀոթի մոր և քրոջ մասին, որոնք նրա հոր մահից հետո հարմարվում են նոր կյանքին։ Ռեժիսորի առաջին լիամետրաժ ֆիլմը՝ «Չորս ճանապարհորդություն»-ը, նույնպես նրա ընտանիքի մասին էր և 2021-ին բացել էր IDFA-ն։
Ֆիլմն արժանացել է նաև լավագույն նիդեռլանդական ֆիլմի մրցանակին, որին կից տրվում է €5 000 (մոտ $5 500)։ ՀոթՀոթՀոթն ու Քրիս վան Ուրսը կիսել են միջազգային մրցույթի լավագույն մոնտաժի մրցանակը։ Մրցույթի ժյուրին բարձր է գնահատել ֆիլմի գեղարվեստական տեսլականն ու ընտանեկան հարաբերությունների պատմությունը՝ հասարակական ճնշումների և սերնդեսերունդ փոխանցվող գենդերային սահմանափակումների համատեքստում։
Ֆրանսիայի և Իտալիայի համատեղ արտադրության «Կայծակի հիշողությունները» ֆիլմը ռադիոլրագրող Սիբիլլայի մասին է, որը ձայնային վավերագրական պատմություն է պատրաստում իր ընտանիքի պատմության մեջ 1982-ին տեղի ունեցած սպանության մասին։ IDFA-ի ֆիլմի համառոտագիրը նաև հարց է բարձրացնում՝ արդյոք պատմությունն իրական է։ Ֆիլմի գլխավոր հերոս Սիբիլլա Շինտի Ռոժեն արժանացել է Envision մրցույթի գեղարվեստական բացառիկ ներդրման մրցանակին։
Envision մրցույթի ժյուրին բարձր է գնահատել, թե ֆիլմն ինչպես է անդրադառնում իրականին ու անիրականին, վերահսկում ասվածն ու չասվածը, ձգում ժամանակը և որսում պատմություններ։ IDFA-ի 39-րդ փառատոնն Ամստերդամում շարունակվում է մինչև նոյեմբերի 22-ը։ The Hollywood Reporter-ն այն ներկայացրել է որպես 38-րդ փառատոն։

Լեհ դերասանը համաձայնել է, որ ստուդիան մշակի իր նոր ձայնագրությունները, որպեսզի դրանք ավելի նման հնչեն նախկին կատարմանը․ կաթվածից հետո նրա ձայնը փոխվել է, նոյեմբերի 13-ին գրել է Game Developer-ը։ Հավելումը նախատեսված է թողարկել 2027 թվականին։
2 րոպե

Նոյեմբերի 14-ի մրցանակաբաշխության հաղթողների թվում են նաև KPop Demon Hunters-ը և KATSEYE-ն։ BTS-ը ստացել է բոլոր 3 մրցանակները, որոնց հավակնում էր։
1 րոպե

Hanteo Chart-ի հաշվարկներով՝ հարավկորեական խումբը SEVENTEEN-ից հետո երկրորդն է, որի 9 ալբոմներից յուրաքանչյուրը թողարկման առաջին շաբաթում վաճառվել է ավելի քան 1 միլիոն օրինակով։
1 րոպե