Ղազախստանում Չինաստանի աջակցությամբ էներգետիկ սարքավորումների կենտրոն է բացվել

Ղազախստանում բացվել է Չինաստանի աջակցությամբ ստեղծված կանաչ էներգետիկայի սարքավորումների սպասարկման կենտրոն։ Այն տեղում կզբաղվի էլեկտրակայանների սարքավորումների սպասարկմամբ ու արդիականացմամբ, ինչպես նաև մասնագետների վերապատրաստմամբ։

Կենտրոնը ներկայացվել է հոկտեմբերի 27-ին Աստանայում կայացած Ղազախստանի և Չինաստանի տեխնիկական համագործակցության համաժողովում։ Այն հիմնվել է Չինաստան-Շանհայի համագործակցության կազմակերպություն առևտրատնտեսական ինստիտուտում՝ China Service Technology (Shandong) Co.-ի և նրա ղազախական դուստր ընկերության մասնակցությամբ։

Կենտրոնը շահագործող ընկերությունը հայտնել է, որ գոլորշային տուրբինի արդիականացման 1 նախագիծ է իրականացվում, գրել է Eurasianet-ը։ Այդ նախագծի սարքավորումների մատակարարումները սպասվում են 2027-ի սկզբին։ Եվս 3 նախագիծ քննարկման փուլում է։

Samruk-Energo-ի արտադրության գծով կառավարիչ տնօրեն Գալըմբեկ Աուտալիպովն ակնկալում է, որ ղազախական էներգետիկ ընկերությունները կյուրացնեն չինական տեխնոլոգիաներն ու փորձն էներգախնայողության, տեսակարար ծախսերի կրճատման և էլեկտրաէներգիայի արտադրության արդյունավետության բարձրացման ոլորտներում։ Ղազախական ձեռնարկությունները նաև հույս ունեն մասնակցել ներմուծվող սարքավորումների արտադրությանը, իսկ չինական կողմը հայտնել է տեղական մասնագետներին վերապատրաստելու պատրաստակամության մասին։