Ըստ տեղական մամուլի՝ Լիբանանի էներգետիկայի նախարարությունը հոսանքազրկում է մոտ 100 պետական հաստատություն

Լիբանանի էներգետիկայի և ջրային պաշարների նախարարությունը սկսել է հոսանքազրկել էլեկտրաէներգիայի չվճարված հաշիվներ ունեցող մոտ 100 պետական հաստատություն, հայտնել է Al Jazeera-ն՝ հղում անելով տեղական մամուլին։ Որոշումը սկսել է գործել նոյեմբերի 2-ից։

Լիբանանը տարիներ շարունակ բախվում է հոսանքազրկումների, իսկ 2019-ի տնտեսական և բանկային ճգնաժամից հետո պետական էլեկտրամատակարարումը կտրուկ նվազել է։ Պետական կայուն մատակարարման բացակայության պայմաններում բնակիչներն օգտվում են մասնավոր գեներատորներից։

Էլեկտրաէներգիայի ֆինանսավորման շուրջ տարաձայնությունը

Էներգետիկայի նախարար Ջո Սադդին բոյկոտում է կառավարության նիստերը, քանի որ, նրա խոսքով, կառավարությունը չի արձագանքում իր պահանջներին՝ ավելացնել էլեկտրամատակարարումը, նվազեցնել վառելիքի ծախսերի բեռը և վճարել պետական էլեկտրաէներգետիկական ընկերությանը պարտք մնացած գումարները։

Կատարն առաջարկել է երեք տարվա ընթացքում կառուցել երկու էլեկտրակայան և 20-ամյա պայմանագրով մատակարարել հեղուկացված բնական գազ, հայտնել է Al Jazeera-ն՝ հղում անելով Reuters-ին։ Առաջարկը դեռ պետք է հաստատվի։