
Կառավարությունը նախատեսում է անմիջապես չդադարեցնել առողջապահական ծառայության տվյալների հարթակի պայմանագիրը և ավելի ուշ փնտրել նոր մատակարարի հետ պայմանագիր կնքելու հնարավորություն։
Բրիտանիայի կառավարությունը նախատեսում է 2029-ին ավարտել Առողջապահության ազգային ծառայությանը (NHS) տվյալների հարթակ տրամադրելու վերաբերյալ Palantir-ի պայմանագիրը՝ այն անմիջապես դադարեցնելու փոխարեն, գրել է Politico Europe-ը։ Որոշ պատգամավորներ և քաղաքացիական ակտիվիստներ պահանջել էին անմիջապես դադարեցնել պայմանագիրը։
Առողջապահության նախարար Ջեյմս Ֆրիթը նոյեմբերի 16-ին պատգամավորներին ասել է, որ կառավարությունը նոր պայմանագրի կնքման պաշտոնական գործընթացը կսկսի 2027-ի երկրորդ կեսին։ Նրա խոսքով՝ ակնկալվում է, որ գործընթացը կտևի 18 ամիս։
Palantir-ի պայմանագիրը քննադատության և քննարկումների առարկա է դարձել քաղաքացիական ակտիվիստների, առողջապահության ոլորտի մասնագետների և պատգամավորների շրջանում։ Մտահոգությունների թվում է մեկ մատակարարից կախվածությունը։ Նախորդ տարվա ընթացքում խորհրդարանական 2 հանձնաժողով կոչ է արել ավարտել պայմանագիրը։
Ֆրիթն ասել է, որ կառավարությունն ուզում է՝ առողջապահության և խնամքի համակարգն ունենա ընտրության ավելի լայն հնարավորություն և ավելի մեծ դիմակայունություն, ավելի քիչ կախված լինի որևէ մեկ մատակարարից, կարողանա հարմարվել նոր տեխնոլոգիաների ի հայտ գալուն և ժամանակի ընթացքում ավելի արդյունավետ օգտագործի հարկատուների միջոցները։ Նրա խոսքով՝ նոր գնումը կնպաստի հանրային վստահության վերականգնմանը և կներառի դիմակայունություն, ընդհանուր չափորոշիչներ և համատեղելիություն՝ համակարգերի միասին աշխատելու հնարավորություն։ Այն նաև հնարավորություններ կստեղծի Բրիտանիայի կարողությունների համար՝ միաժամանակ խրախուսելով օտարերկրյա ընկերություններին հայտ ներկայացնել։
Palantir-ի խոսնակն ասել է, որ հայտարարությունը լավ նորություն է հիվանդների և NHS-ի համար, և որ ընկերությունը հաջորդ երկու տարիներին կշարունակի ու կարագացնի իր աջակցությունը՝ միաժամանակ ավելացնելով ներդրումները Բրիտանիայում։ Ֆրիթը չի ասել՝ արդյոք Palantir-ը կկարողանա հայտ ներկայացնել նոր պայմանագրի համար։

Google-ի խոսքով՝ հարձակվողներն exploit_agent համակարգով առանց մարդու մասնակցության հայտնաբերել և շահագործել են ծրագրային խոցելիություններ։ Այն տեղակայված էր սերվերի վրա, որտեղ նաև գողացված տվյալներ կային։
1 րոպե

OpenAI-ն հայտնել է, որ ChatGPT for Academic Researchers ընդլայնված ծրագրով աշխարհի հետազոտողներին կառաջարկի անվճար օգտվել իր գերբանականության (ԳԲ) առաջատար մոդելներից։
1 րոպե

NVIDIA-ի խոսքով՝ նախատեսվող չիպը գիտական մոդելավորումների և տվյալների մշակման համար կհավասարակշռի տվյալների փոխանցումն ու հաշվարկները՝ հետազոտողներին և ինժեներներին պատկերացում տալով ապագա սարքավորումների մասին։
4 րոպե