Եվրախորհրդարանի հանձնաժողովը դեմ է Հնդկաստանի 2 նավավերամշակման ձեռնարկություն ցանկում ներառելուն

Եվրոպական խորհրդարանի շրջակա միջավայրի հանձնաժողովը նոյեմբերի 4-ին քվեարկել է Shree Ram Vessel Scrap-ը և YSI Recyclers-ը նավերի վերամշակման՝ ԵՄ հաստատած ձեռնարկությունների ցանկում ներառելու դեմ։ Վերամշակման ոլորտի եվրոպական Recycling Europe միության հայտարարությամբ՝ առարկությունն ընդունվել է 48 կողմ, 26 դեմ և 5 ձեռնպահ ձայներով։

Եվրոպական հանձնաժողովն ավելի վաղ հավանություն էր տվել Գուջարաթի Ալանգ-Սոսիյա բնակավայրում գործող այս երկու ձեռնարկություններին՝ ստուգումներից հետո, որոնց նպատակն էր գնահատել դրանց համապատասխանությունը նավերի վերամշակման ԵՄ կանոններին։ Հաստատվելու դեպքում դրանք ցանկում ներառված առաջին հնդկական ձեռնարկությունները կլինեն։

2018 թ․ դեկտեմբերի 31-ից ԵՄ դրոշի ներքո նավարկող խոշոր առևտրային նավերը պարտադիր պետք է վերամշակվեն ցանկում ընդգրկված ձեռնարկություններում։ Ցանկում ներառվելը երկու ձեռնարկություններին թույլ կտա սպասարկել այդ նավերը։ Ցանկում ընդգրկված ձեռնարկությունները պետք է բավարարեն աշխատողների անվտանգության և շրջակա միջավայրի պաշտպանության պահանջները, իսկ ԵՄ-ից դուրս գործող ձեռնարկությունները պետք է դիմեն Եվրոպական հանձնաժողովին։

Վեճ՝ ապամոնտաժման եղանակի և հզորությունների շուրջ

Վեճի առանցքում նավերը մակընթացության ու տեղատվության ենթակա ափ դուրս բերելու և այնտեղ ապամոնտաժելու եղանակն է։ Հաստատմանը դեմ արտահայտվող պատգամավորների խոսքով՝ մակընթացության ու տեղատվության սահմանների միջև ընկած հատվածում նավերը մասնատելիս դժվար է կանխել նավթի, ծանր մետաղների և այլ վտանգավոր նյութերի տարածումը՝ նույնիսկ վերահսկողությունը բարելաված ձեռնարկություններում։ Առարկության մեջ մտահոգություն է հայտնվում նաև պողպատի ջարդոնը տեղական վերագլանման գործարաններ ուղարկելու վերաբերյալ․ այդ գործարանները չեն գնահատվել արդյունաբերական արտանետումների եվրոպական չափանիշներով։

Պողպատ արտադրող եվրոպական ընկերությունների, վերամշակողների, արհմիությունների և բնապահպանական խմբերի կոալիցիան, որի կազմում էին EUROFER-ը, IndustriAll Europe-ը, European Environmental Bureau-ն, Recycling Europe-ը, Transport & Environment-ը և NGO Shipbreaking Platform-ը, սեպտեմբերին կոչ էր արել Եվրոպական հանձնաժողովին հետ վերցնել առաջարկը։ Այս մասին գրել էր